geguritan sandi asma

TULADHA GEGURITAN SANDI ASMA

Dhening : Anita Tri Utami

1. AKROSTIK

Cidra Mring Janji

Ananing dalan iki dadi seksi

Nalika sira mblenjani janji

Isih eling nalika sira maringi aku tamba

Tamba kang bisa gawe mari laraning atiku

Ananging nyatane ngapusi

Tamba kang kok awehake malih dadi ri

Ri kang nyusuk ati iki nganti jero

Iya , ati kang maune arep mbok mariake

Uwis cukup rasane anggonku nandhang lara

Tabeh ati iki merga dilarani terus-terusan

Aku ora bakal percaya maneh

Marang janji pawongan kaya kowe

Ilang kabeh rasa percayaku marang wong kang culika

2. MESOSTIK

Nelangsa

Wis pirang taun Anggonku ngenteni

Tabeh ati iki Nandang duhkita

Duhkita merga lara Ing jero ati iki

Rasane wis kebak Tatu lara kang kok gawe

Wes jero nganti Ati iki ora bisa ngrasake seneng

Apa tresna kang tak Tandang iki kleru

Merga tak Rasa-rasake malah nglarani

Apa pancene rasa Iki pra pas anggone manggon

Kenapa malah kaya dene Udan kang ra uwis-uwis

Nelangsa, sedih, kelara-lara sing Tak tandang terus-terusan

Babar pisan Aku ora ngrasakne seneng

Yen ta pancen kaya  Mangkene kahanane

Aku mung bisa dedonga mugi Gusti Ingkang bales apa kang kok tindakake marang aku

3. Telestik

Aja Mblenjani Marang Wong Tuwa

Dek jaman semanA

Jaman kang isih diarani jaman edaN

Para anak padha wanI

Kaya dene kacang lali marang kuliT

Dheweke padha wani marang wong tuwA

Apa merga wis nduwe pangkaT

Kowe wani marang wong kang wis kliwat umuR

Aja pisan-pisan kowe mblenjanI

Marang dhawuhipun rama lan biyungmU

Merga bakal rugi donya akhiraT

Wis ditulis ana ing sajrone kitab agamA

Arep anak kang wis tuwa apa enoM

Kabeh padha-padha ora oleh nglakonI